Խաշթառակ գյուղը գտնվում է Տավուշի մարզում՝ Աղստև գետի աջ ափին,մարզկենտրոնից 6 կմ հյուսիս-արևելք։ Իջևան քաղաքից դեպի հյուսիս, հարակից բնակավայրերն են՝ Լուսահովիտը, Լուսաձորը, Ակնաղբյուրը և Դիտավանը։
Գյուղի անվանումը ի սկզբանե եղել է Խաչթառակ («Խաչ+թառ+ակ»), քանի որ ժամանակին գյուղի տարբեր կողմերում կառուցված են եղել խաչեր։ Այսօր ևս կարելի տեսնել այդ խաչերը։ Ժամանակի ընթացքում այն ձևափոխվել և դարձել է Խաշթառակ (չ → շ)։
Խաշթառակի տարածքը բնակեցված է եղել անհիշելի ժամանակներից: Դա է վկայում տարածքից հայտնաբերված զենքերի տեսակները, կավե կարասները, սափորները և այլ առարկաները: Բնակավայրը տարբեր ժամանակաշրջաններում օտար նվաճողների կողմից ենթարկվել է ավերումների և տեղահանումների: 1721թ. լեզգիների, 1723թ. թուրքերի ասպատակություններից և Մահմուդ Աղա խանի 1795-97թթ. վայրագություններից գյուղը հիմնականում ավերվել է: Ղարաբաղի Ջրաբերդ և Գյուլիստան գավառներից 1799-1804թթ. բնակություն են հաստատել գյուղի ներկա տարածքում: Գյուղն ունի 568 տնտեսություն և 1920 բնակիչ, կա միջնակարգ դպրոց: Մշակույթի տունը, մանկապարտեզը, համայնքային կենտրոնը չեն վերանորոգվել կառուցման օրից: Խաշթառակ գյուղում է ծնվել հայ բեմի և կինոյի հանճարեղ վարպետներից մեկը՝ Արմեն Գուլակյանը:
Հեռավորությունը Երևանից 151 կմ
մարզկենտրոնից 11 կմ
ՀՀ պետական սահմանից 7.5կմ
Բարձրությունը ծովի մակերևույթից 720 մ.
Բնակլիմայական պայմանները գտնվում է բարեխառն գոտում ամռանը միջին ջերմաստիճանը +28 C, ձմռանը՝ -30 C

свернуть