1. 2024թ. արդյունքներով՝ ՀՆԱ աճը տարվա արդյունքներով կանխատեսելի է 5-5,5 տոկոսի մակարդակում։ Իսկ բյուջեի ծախսերի կատարման մակարդակը տոկոսային հարաբերակցությամբ իջել է, նախօրեին հայտարարեց ՀՀ ֆինանսների նախարար Վահե Հովհաննիսյանը: Փոքր բիզնես ունեցող ձեռներեցներն իրենց հերթին մտահոգություն են հայտնել, որ 2025-ից գուցե անհնար դառնա նրանց գործունեությունը, պատճառը` սպասվող հարկային ավելացումներն են:
2. Բաքու-Գրոզնի չվերթի առեղծվածը: Ադրբեջանական ինքնաթիռի կործանումից ժամեր անց համացանցը հեղեղվել էր ուղեւորների նկարահանած կադրերով, որոնցում երեւում էին ինքնաթիռի վնասված մասերը: Ողջ մնացած ուղեւորները պատմել են, որ թռիչքի ընթացքում պայթյունի ձայն են լսել: Ուկրաինայից հայտարարել են, որ ռուսական ՀՕՊ համակարգն է խոցել ադրբեջանական ինքնաթիռը: Մինչդեռ Կրեմլի խոսնակը նշել է, թե ավիավթարի պատճառների մասին վարկածներ առաջ քաշելն այս պահին ճիշտ չէ:
#1inAM #1inTV #zhirayrvoskanyan
