Ээх акын Болот,Чагылганым акыным,
Эгер жагалданган, Арзымат болгонуңда,
Эмне иш болсо, элиңе таланбассың.
Чоңдордун, азуусун чакпаганда,
Чоң кылмыш, кылсаң да камалбассың.

Артын ачып, бай көпөс камандардын,
Ашып өттүң, эң оорун кадамдардын.
Айландың, мазагына күлкүсүнө,
Арзымат болуп, жүргөн адамдардын.

Табам деп, акыйкатты тебелендиң,
Тоголондуң, урундуң, көмөлөндүң.
Туураны сүйбөгөн, бул замандын,
Токтогулу болдуң, эми жемелендиң.

Сыйындасың, ырың менен элиңдин,
Сынба Боке, душмандарга ийилбе.
Кылымдарга, атың калат сакталып,
Көтөр башты, күч келтирбе ийинге.

Санасаң, саны толо акындар көп, бирок,
Сиздей акын, кылымда бир жаралат.
Ээх деп кейибеңиз, сиз болгонсуз,
Элмирбектен, элине калган аманат.

Бөлүп- бөлүп, суу куйгандай акырга,
Болуп калды, сыйбаган иш акылга.
Улантышып, баягы эле шоу оюнун,
Ууру кылды, ат мингизип акынга.

Төгүп ырын, айтып сырын жүгүрүп,
Тилдирбейм деп, Жетим тоонун желкесин.
Ажыдаардын, басып алдың куйругун,
Алдырбайм деп, Кемпир Абад тилкесин.

Кармалганда, сотуна барып келдим,
Көрөмүн деп, укуктун коргогонун.
Калпы жок, өз көз менен көрүп келдим,
Кызматкерлер, укукту кордогонун.

Каматабы, аттырабы, жок кылабы,
Каанча аракет, кылса дагы чындык жеңет.
Сени камайт, мени камайт мына ошондо,
Даканцанын, фейктердин күнү келет.

#АзаИшенбеков #БолотНазаров #АйтАйтДесе #БолотНазаровАйтАйтДесе #БолотНазаровПодставаКылышты #ЧагылгынАкынИйилбе #акындар #акын #БолотНазаровго #жанылыктар #БолотНазаровКармалды #СениКамадыЭмиМениКамайт

Патреондо колдогонуңузга чоң ырахмат
[ Ссылка ]

Биздин тик-ток - [ Ссылка ]
Инстаграмыбыз - [ Ссылка ]

свернуть