Қанат-Света Айтбаевтар, Ұлықпан, Фарида Жолдасовтар, Медет-Клара Салықовтар – «Біргеміз» (Әні: Ұ.Жолдасов, сөзі: С.Дүйсенғазин)

«Хабар» агенттігі 1 мамыр - Қазақстан халқының бірлігі күніне мерекелік тарту ұсынбақ. Еліміздің жұлдызды жұптары - Қанат-Света Айтбаевтар, Ұлықпан, Фарида Жолдасовтар мен Медет-Клара Салықовтардың орындауындағы «Біргеміз» атты жаңа әнге бейнебаян түсірілді. Әннің авторлары - композитор Ұлықпан Жолдасов пен ақын Серікзат Дүйсенғазин. Ән еліміздегі бірлік пен татулыққа арналады. Қазіргідей қиын уақытта бірлік пен татулықтың ырыс пен берекеге жол бастайтындығын тағы бір дәлелдей түседі.
«Хабар» агенттігі бұған дейін де еліміздегі төтенше жағдай мен карантин кезінде індетпен күресіп жүрген медицина, құқық қорғау саласының мамандары мен әскери адамдарды қолдау мақсатында бірнеше бейнебаян түсірген. Құрманғазының «Сарыарқа» күйін елге танымал күйшілер жаңа форматта орындаған. Айбынды күй үйде алаңдап отырған халықтың көңіліне демеу болып, рухын көтерді. Майра Мұхамедқызының орындауындағы «Всемирная молитва» (The Pray of the World) атты шығармасына түсірілген бейнебаянмен, Ибрагим Ескендірдің «Біз біргеміз» әні де кең таралып, шартарапты шарлап кетті.


«Хабар» әлеуметтік желілерде / «Хабар» в социальных сетях:

Instagram: [ Ссылка ]
Facebook: [ Ссылка ]
Twitter: [ Ссылка ]
Вконтакте: [ Ссылка ]
Одноклассники: [ Ссылка ]

свернуть