أول قبلة ف السينما المصرية ـ فيلم قبلة ف الصحراء ١٩٢٧
المنتج – 1- شركة كوندور فيلم –ابراهيم لاما
تاريخ عرض الفيلم 5 مايو 1927 – مدة الفيلم 100 دقيقه
تاليف و اخراج : ابراهيم لاما - تصوير :الفيزى اورفانيللي و ماير السندسكى
الممثلين : بدر لاما –بدرية رافت –انور وجدى –محمود المليجى – ايفون جرين – حسن كامل –روحية خالد – ابراهيم عادل ذو الفقار

سنة 1926 وصل اسكندرية شابين فلسطينيين هما ابراهيم وبدر لاما .. وكان معاهم معدات تصوير سينما .. عملوا شركة انتاج و سموها كوندور فيلم ... وقرروا ينتجوا اول فيلم عربى طويل صامت وهو فيلم (قبلة فى الصحراء ) ...اجروا فيلا ف حى فيكتوريا ف اسكندرية و حولوا مكان واسع فيها لبلاتوه تصوير اللى اتصور فيه المشاهد الداخلى .... و الخارجى صوروه ف الشوارع و الصحراء .. ابراهيم لاما كتب القصه وطبعا اخوه بدر قام ببطولة الفيلم

قصة الفيلم
هيلدا البنت الاجنبيه بتحب شفيق الشاب الاعرابى الشهم ... اهل القرية بيتهموه بقتل عمه اللى كان فيه دايما خلافات بينهم .. بيهرب شفيق للصحراء بينضم لعصابة قطاع طرق .. ف يوم بتهجم العصابة على قافله معدية كان فيها هيلدا حبيبة شفيق .. هيلدا مابتعرفوش عشان ملثم بس بتعرفه من السيف اللي ف وسطه .. بترجعله وبيقولها ماقدرش ارجع معاكى .. وبنشوف اول قبلة .. بيحاول شفيق يمنع العصابة انها تهجم ع القافله .. ثلاثة م العصابة بيخطفوا هيلدا .. وشفيق بينقذها .. بييجى محمود صاحبة يبلغه انه طلع براءه من قتل عمه .. و بتنتهى قصة الحب نهاية سعيدة و بنشوف ف الفيلم اول قبلة ف الصحراء

------------------------------------------------------------------------------------------------------------------------------------------------------------
شاهد الحلقات بالترتيب 👇🏽
[ Ссылка ]

---------------------------------------------------------------------------------------------------------------------------------------------------------
#SeliemPro
#السينما
#السينما_المصرية
#أفلام
#مصر
#فيلم
#عالمي

свернуть