Індет өршіп тұрған Атырау облысында 265 сайлау учаскесі толық жұмыс істеді. Өңірде 400 мыңнан астам сайлаушы тіркелген. Ал коронавирус инфекциясын жұқтырып, емдеу орындарында жатқандар да бірыңғай дауыс беріп жатыр екен.
Атырау аймағында эпидемиологиялық ахуал өршіп тұрғанымен сайлаушылар белсенді дейді бақылаушылар. Сайлау учаскелері санитарлық талаптарды қатаң сақтап, мамандар сақадай сай отыр. Комиссия мүшелері қорғаныш киімдерімен, ал тек медициналық маска таққан бақылаушылар жай ғана алыстан бақылауда.
БАЛҒАЙША БЕКТЕМІСҚЫЗЫ, бақылаушы:
– Бақылаушы ретінде таңғы 7-ден бері отырмын. Ешқандай кемшілік көрмедім. Сайлаушылар тарапынан да ешқандай кемшілік болмады. Бір ізбен кіріп, даусын береді. Бәрі тәртіппен өтіп жатыр.
Атырау облысындағы эпидемиологиялық ахуал тұрақсыз. Науқастар саны артып барады. Облыс бірнеше аптадан бері бір күн қызыл, бір күн сары аймақта. Облыстық аумақтық сайлау комиссиясындағылардың сөзінше, инфекция жұқтырып, емдеу орындарында жатқандар да дауыс берген. Оларға арнайы қаламсап та сатып алыныпты.
АЗАМАТ АЙМАНАКУМОВ, Атырау облыстық аумақтық сайлау комиссиясының төрағасы:
– Коронавирус инфекциясымен ауырып жатқандар сайлаушылардың дауыс беру құқығын қалай жүзеге асырамыз. Бұл бағытта бізде алгоритм бар. Бұл бағыттың барлығы да байланыссыз болады. Жәшіктер апарылады. Барлық урналар дезинфекцияланады. Және әрбір сайлаушыға арнайы қалам сатып алынды. Олар үшін арнайы маска, қолғаптар апарылады.
Аймақта 400 мыңнан астам сайлаушы тіркелген. Облыстағы сайлауды шетелден келген жеті халықаралық бақылаушы бақылады.
Жанат Молдашова, Фархат Тәжібаев
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
