Өтіп бара жатқан жыл Қазақстан мен Оңтүстік Корея қарым-қатынасын тағы бір белеске көтерді.
Дәлірек айтқанда, Астана мен Сеул арасындағы әріптестікке оң әсерін тигізген 4 маңызды оқиға болды. 2017 жылы ресми Оңтүстік Кореяда жаңа президент сайланды, Қазақстан БҰҰ Қауіпсіздік Кеңесінің тұрақты емес мүшесі болды, Астанада ЕХРО 2017 халықаралық көрмесі өтті және екі елде кәрістердің Қазақстанға қоныс аударғанына 80 жыл толуына орай мерекелік шаралар ұйымдастырылды. «Ал келер жылы Оңтүстік Корея президентінің елордаға сапары екіжақты ынтымақтастықты одан әрі нығайтуы тиіс», – дейді Қазақстанның Оңтүстік Кореядағы елшісі Дулат Бақышев. Сеулдегі әріптесі Ким Дэ Сикпен кездескен дипломат өткен 12 айдың нәтижелерін қорытындылады.
Дулат Бақышев, Оңтүстік Кореядағы ҚР елшісі:
– 2017 жыл екі ел қарым-қатынасы үшін жемісті жыл болды. Жаңа үкімет келді, жаңа жобалар талқылануда. Жаңа келген президент пен біздің Елбасының кездесуін ұйымдастыру мақсат болып тұр.
Им Дэ Сик, Корея Республикасының Қазақстандағы елшісі:
– 2018 жылы Мун Дже Ин президентіміздің Орталық Азия елдеріне сапарлары жоспарланған. Ол IT, электроника, құрылыс, медицина және денсаулық сақтау, білім беру және адам ресурстары сияқты салаларда қарым-қатынастарды дамыту үшін негіз болады деп үміттенеміз. Қазақстан экономикасы жылдан-жылға артып келеді. Менің ойымша, келер жылы ол қолайлы экономикалық негізді қалыптастырады.
