وه‌فدێكی پارتی دیموكراتی كوردستان سه‌ردانی بزوتنه‌وه‌ی گۆڕانی كرد، بزوتنه‌وه‌ی گۆڕان پرۆژه‌یه‌كی بۆ پێكهێنانی حكومه‌تێكی كاتی دا به وه‌فدی پارتی و بڕیاریشه هه‌فته‌ی داهاتوو وه‌فدێكی حكومه‌ت به سه‌رۆكایه‌تی نێچیرڤان بارزانی سه‌ردانی بزوتنه‌وه‌ی گۆڕان بكات.
له كۆبوونه‌وه‌یه‌كدا وه‌فدی بزوتنه‌وه‌ی گۆڕان پرۆژه‌یه‌كی نوسراوی بۆ پێكهێنانی حكومه‌تی كاتی دایه وه‌فده‌كه‌ی پارتی و بڕیاره دوای تاوتوێكردنی له‌لایه‌ن پارتییه‌وه وه‌ڵام بدرێته‌وه.
ئاسۆ مه‌حمود ئه‌ندامی وه‌فدی بزوتنه‌وه‌ی گۆڕان به KNNی راگه‌یاند، سه‌ره‌تای هه‌فته‌ی داهاتوو وه‌فدێكی حكومه‌ت به سه‌رۆكایه‌تی نێچیرڤان بارزانی و قوباد تاڵه‌بانی سه‌ردانی بزوتنه‌وه‌ی گۆڕان ده‌كه‌ن.
ئه‌ندامه‌كه‌ی وه‌فدی گۆڕان وتیشی گفتوگۆیان له‌سه‌ر پرسی مووچه‌ی فه‌رمانبه‌ران كردووه چونكه ئه‌و پرسه به‌لای گۆڕانه‌وه كاری له‌پێشینه‌یه.
ئاسۆ مه‌حمود وتیشی بزوتنه‌وه‌ی گۆڕان داوایكردوه ئه‌و وه‌فده‌ی سه‌ردانی به‌غداد ده‌كات، ستراتیژی بۆ چۆنیه‌تی گفتوگۆكان هه‌بێت، بۆ ئه‌وه‌ی كورد له گفتوگۆكان به‌سه‌ركه‌وتووی بێته‌ده‌ره‌وه.
→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
