الاضطراب الوجداني ثنائي القطب
بسم الله
Bipolar Disorder
الاضطراب الوجداني ثنائي القُطب اللي بقى كل عامة الشعب عارفينه و بيتكلموا عليه
الظاهر من كتر نسب بتاعة الإصابات ما هي زادت و كان عليه لغط جامد اوي لأنه من الاضطرابات الوجدانية
الوجدانية يعني المشاعر
اللي بيجي بنوبات نسميها احنا بنوبات هَوس و بعض الأحيان يجي بنوبات اكتئاب و يبدلوا مع بعض
اتنين هوس واحد اكتئاب
خمسة هوس و اتنين اكتئاب إلى اخره
نوبة يعني زي دور البرد كدة تيجي ٣ اسابيع كدة شهر تبرجللي حياتي خالص
الاكتئاب طبعا احنا اتكلمنا عليه كتير قبل كدة
عايز بس أشاور على نوبات الهوس و عايز اتكلم على
هل المرض دا ليه علاج و لا مالوش ؟
المرض دا cyclic يعني ممكن كل سنة أو سنتين تخبط نوبة المريض
ايه اللي بيمنع الانتكاسات " الإستمرار على الدواء "
علاجات بسيطة بعد اما النوبة تروح الكبيره بنفضل ممشين المريض عليها فترات معينة ليها بروتوكول بقى سنة، اتنين ، تلاتة، خمسة زي ما ياخد يعني و علاجات آمنة خالص
بتعمل ايه العلاجات دي ؟ يا إما بتمنع الإنتكاسة يا إما بتأجلها بدل ما تيجي بعد سنة تيجي بعد خمسة يا إما لو جت الإنتكاسة تيجي مُخففة ف بنلحق النوبة بدري
لأن النوبة لو بدري اتلحقت ما بتدخلش و لو دخلت ؟ خدوا بالكوا بقى معايا
الهوس اولا بيُذهب العقل
بيخلي البني آدم يتصرف تصرفات مش هوه بيبقى في جرأة شديدة جدا جدا
في بعض الأحيان بيبقى فرحة غامرة
بيبقى في قلة نوم
' واحد بقاله ٢٠ ، ٣٠ سنة ب يحوش فلوس و بقى عنده قرشين عايز يطلع بيهم معاش' لو جاتله نوبة هوس في أسبوع ممكن يصرفهم كلهم او اقل كمان
بتيجي في سن اد ايه؟
عشرينات دا اشهر سن بتيجي فيه النوبات و اول ما تتشخص لازم نتدخل بعلاجات سريعة جدا جدا لأن المريض بيبقى uncontrollable و بيحصل في نوبات الهوس نسميه disinhibition
يعني أكِن كل واحد فينا عنده فرامل بيمنع نفسه من قول كلام معين في اوقات معينة و تصرفات معينة في اوقات تانية
اللي بيجيله نوبة الهوس ما بيقدرش يفرمل خالص ف بتلاقي اكثر الناس اتزاناً و أكثر الناس ادباً و حشمةً لما بتجيله النوبة بيتحول إلى واحد ما بتبقاش حضرتك عارفه و من المشاكل تابعات تصرفات المريض في النوبة
لذلك هو مرض خطير من حيث تأثير نوبات الهوس على المريض و ذويه و من حوله و الآخرين
و لكن هو ان شاء الله بسيط في علاجه
بعض الحالات طبعا لما بتيجي النوبات بنحتاج حجز مستشفيات للمريض لفترة بياخد علاجات مكثفة ٣ اسابيع، اسبوعين، شهر شهرين على الأكثر تتلم النوبة خالص
يخف بإذن الله تعالى و بيمشي على بروتوكول علاجي من غير معافرة الله يكرمكم
معظم اللي بيجلهم المرض دا لأنهم بيشفوا شفاء تام بيروحوا مبطلين الأدوية اللي الأطباء بيقولوا عليها ف النتيجة للأسف بتبقى ايه؟ انتكاسة لعلها حتمية
شكرا جزيلا لحضراتكم
سلام عليكم
#صحة_نفسية #mentalhealth #bipolar #إضطرابات_نفسية #اضطراب_ثنائي_القطب #mentalhealthawareness
