272 шақырымдық «Атырау – Астрахань» автомобиль жолын қайта жаңарту жұмыстары аяқталды. Жобаға Еуропалық қайта құру және Даму банкі несие бөлген. Республикалық жол үшінші техникалық санаттан екінші санатқа ауысты. Сондай-ақ 6 көпір, 1 жол өткелі, 60 су өткізгіш және 10 демалыс алаңы абаттандырылды. 650 жарық тірегі қолайлы әрі қауіпсіз қозғалысты қамтамасыз етеді. 2018 жылы басталған жобаны Қазақстан, Италия, Түркия мен Әзербайжан компаниялары жүзеге асырды. Қазавтожолдың мәліметі бойынша, жолдың жүріп өту уақыты 5 сағаттан 2 сағатқа дейін қысқарған. Республикалық маңыздағы жол аймақтың көлік инфрақұрылымының дамуына және Қазақстан мен Ресей арасында байланысты күшейтіп, халықаралық сауданың артуына ықпал етеді.
#Атырау #Астрахань #жолқұрылысы #хабар24
