Lajme Arkiva 2004
Amnisti për debitorët e dritave këtë fundviti nuk do të ketë. KESH do të aplikojë ndërprerjen e dritave për individë dhe shoqëri që nuk e kanë paguar energjinë. Mos shlyerja e detyrimeve brenda këtij viti sjell reagimin e drejtuesve të shpërndarjes së energjisë. Errësirë dhe ndërprerje. Pra, nëse do të festosh paguaj përpara atyre. Viti i Ri po afron ndërsa abonentët nuk po i drejtohen sporteleve ku paguhet energjia elektrike.
Demir Agastra: “Do të marrim masa që të gjithë abonentëve që paguajnë energjinë elektrike do t’u sigurojmë shërbim korrekt, ndërsa për të gjithë ata abonentë të cilët nuk paguajnë do t’i lem në errësirë edhe gjatë festave të fundvitit. Pra edhe një herë po ju bëjmë thirrje të paguajnë faturat e energjisë për të gjithë ata abonentë që e konsumojnë atë. Kemi rreth 60 grupe prerjesh në të gjithë Tiranën, në periferi, qytet dhe zonat e fshatrave që bëjnë ndërprerje ditore rreth 600 abonentë familjarë dhe privat të vegjël. Dhe një herë po presim që abonentët të vijnë në sportelet që të paguajnë faturat e energjisë.”
Tolerancë zero edhe për debitorët e zonës së Burrelit ku janë përfshirë familjarë dhe privatë, por edhe ujësjellësit detyrohen të subvencionohen nga qeveria deri në fund të vitit pasi do të ketë prerje dritash e për pasojë mungesë uji në ujësjellësit e Durrësit, Laçit dhe Mirditës.
“Unë kam rreth 13 mijë debitorë të energjisë elektrike të ndërprerë të cilët do t’u lidhet energjia elektrike vetëm kur të paguajnë detyrimet ndaj KESH-it. Bëhet fjalë për detyrimet e vitit 2004-ër të cilat janë të pa likuiduar. Këta debitorë janë kryesisht pa matësa të cilëve do t'u vendosen matësat deri me 15 janar maksimumi, megjithatë nuk paguajnë energjinë elektrike nuk do të kenë drita as për festat e fundvitit.”
Nëse çdo vit abonentët pyesin KESH-in a do të ketë më shumë drita për festa, këtë herë do të pyesin veten a do të paguajnë “dritën” apo çmimin që ka errësira./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
