كلمات : محمد بن سعيد البادي
.
.
ياطريقٍ يوم مريته . .
رجّع الذكرى على بالي . .
واشعل شعورٍ تناسيته . .
يوم مريته وهو خالي . .
لولا كثر الشوق ما ييته . .
كنت عنه غافل وسالي . .
بس يوم اني تمنّيته . .
ييت يمكن بيتراوالي . .
من حماسه يوم لفيته . .
دار شامس طيب الفالي . .
واعبر الرييبات ماريته . .
وانظر يميني مع شمالي . .
واخجل ان وايجت عبيته . .
هوب سلم لعمي وخالي . .
.
ولا ابوي اللي بقى صيته . .
حي لو روحه رقت عالي . .
.
يوم يينا الباب صكيته . .
ولا يصك الباب لامثالي . .
.
بس عذرك يوم أبديته . .
بقبله واشوف وش تالي . .
.
تالي ٍ فرضي وصليته . .
تالي ٍ عهدي ولازالي . .
.
وانت معك العهد ياليته . .
عن مسار الحبّ ما مالي . .
.
