Бұл тек тұрмыс жағдайы төмен отбасыларға арналған. Игі бастаманы қолға алған белсенділер қаладағы халық шоғыры көп орындарға арнайы контейнерлер орнатып қойды.

Қайырымды жандар осы жерге келіп, артылған киім-кешектерін өткізулеріне болады. Ал жиналған заттар сұрыпталып, дүкенге қойылғаннан кейін, әлеуметтік қызмет бөлімінің тізіміне алынған отбасыларға тегін беріледі. Жоба бюджеттен тыс қаржы көздері арқылы, яғни демеушілердің көмегімен жүзеге асырылуда.

Бүгінгі күнге дейін жүзге жуық отбасы осындай көмек алған.

Әсел Баймұрзаева, қала тұрғыны

-Бала-шағама киім, аяқ киімін алып жатырмын. Сыртқы және ішкі киімі бар. Менің базардан сатып алуға ақшам жоқ, жұмыс істемеймін, 2 баламмен үйдемін.

Еркін Есіркегенұлы, қоғамдық қор директоры

-Әр отбасын біз жеке-жеке шақырамыз. Себебі отбасылар ынғайсызданбас үшін. Шарты мынадай: киімдер міндетті түрде жаңа болу шарт емес, бірақ таза, бүтін болсын деп сұраймыз. Химиялық тазалаумен айналысатын жер бар, бізге тегін жуып береді.

свернуть