Статистикалық мәліметтерге сүйенсек, 2016-шы жылдың қорытындысы бойынша Теріскейде он бір пайызға кемісе, сәйкесінше қатерлі ісік дертін анықтау көрсеткіші де осынша пайызға артып отыр.

Оның үстіне науқастар қазір алысқа бармай-ақ, Петропавлдың өзінде ем-дом шараларын қабылдауда.

Өйткені аталмыш шаһардағы диспансер уақыт өткен сайын білікті дәрігерлер және қажетті қондырғылармен қамтамасыз етілуде.

Солтүстікқазақстандық 66 жастағы Валентина Новосельскаяға бірнеше күн бұрын операция жасалды. Ол үш ай бұрын өзін жайсыз сезіне бастаған екен. Дер кезінде дәрігерлерге қаралып, тік ішегінде қатерлі ісік бары анықталған.

Валентина Новосельская, емделуші

-Қазір жағдайым едәуір жақсы. Енді ақырын тұрып көрсем деген ойым бар. Ақ халаттыларға үлкен алғысымды білдергім келеді. Ота сәтті жасалды. Бастысы ауруды асқындырып алмай, уақытылы тексеріліп тұру қажет.

Жалпы 2015-ші жылмен салыстырсақ, былтыр өңірде онокологиялық аурулардың ерте сатысында анықталу деңгейі өскен. «Бұл ең алдымен халық арасында жүргізілген үгіт-насихат жұмыстарының нәтижесі», – дейді мамандар. Өткен жылы дәрігерлер бір жарым мыңнан астам адамға операция жасапты. Осының арқасында өлім-жітім көрсеткіші 11 пайызға азайған.

Ермек Әбдірімов, облыстық онкологиялық диспансердің бас дәрігері

-Қазір халық бұрынғыдай емес, уақытында келіп жатыр. Скринингтің орындалуы 90-94 пайызға жетіп жатыр. Ол өте биік көрсеткіш. Соның арқасында біз осы обыр ауруын ерте стадияда тауып, біздің оларға көмегіміздің нәтижесі биік болып жатыр.

Уақыт өткен сайын өңірдегі онкологиялық орталықтың материалдық-техникалық базасы да жақсарып келеді. Бұл мақсатқа соңғы төрт жылда ел қазынасынан бір млрд теңгеге жуық қаржы бөлініпті.

Енді биыл заманауи сандық маммограф қондырғысы сатып алынбақшы. Келешекте орталықтың ғимаратын жаңарту жоспарда бар.

Авторлары: Самат Қайырденұлы, Төлеген Иманов, Дмитрий Рура

свернуть