Azərbaycan Dövlət Neft Və Sənayə Universitetində 1-ci Fransa-Azərbaycan iş və karyera sərgisi açılıb. Sərgidə Fransa və Azərbaycandan 16 şirkət iştirak edir. Sərginin məqsədi Fransa universitetlərinin məzunları ilə işəgötürənlər arasında fərdi görüşlər keçirməklə fransız və Azərbaycan şirkətlərinə işəgötürmə vasitələri təklif etmək, Fransa universitetlərinin azərbaycanlı məzunlarını iş axtarışında və işlə təmin olunmağında dəstəkləmək, onların internet platforması olan “France Alumni” Azərbaycan layihəsini fransız və Azərbaycan şirkətlərinə təqdim etməkdir.
Fransanın Azərbaycandakı səfiri Orelia Buşez bildirib ki, Azərbaycandan 141 tələbə Fransada təhsil alır və gələcəkdə bu rəqəmin 300-ə çatacağına ümid edir:
“Fransada təhsil alan azərbaycanlı məzunların internet portalı istifadəyə verilib. Onlardan bəziləri Azərbaycanın dövlət və digər qurumlarında, həmçinin biznes sahəsində və bank sektorunda çalışır. Fikrimcə, bu sərgi Fransa-Azərbaycan şirkətləri ilə azərbaycanlı məzunlar arasında bir ünsiyyət vasitəsinə çevriləcək”.

свернуть