Subscribe: [ Ссылка ]
Web: [ Ссылка ]
Facebook: [ Ссылка ]
Twitter: [ Ссылка ]
Instagram: [ Ссылка ]
TikTok: [ Ссылка ]
25 persona përfunduan pas hekurave për trafik ndërkombëtar droge nga Amerika Latine. Operacioni i përbashkët mes SPAK, Guardia di Finanza e Antimafias italiane bëri të mundur parandalimin e daljes në tregun italian të tonelatave të kokainës që do futej përmes porteve detare italiane, kryesisht atij të Livornos në fruta ekzotike.Nëse sasia marramendëse e kokainës do shitej vlera e saj nga autoritetet përllogaritet në 70 milionë euro.“Në total u arrestuan 23 persona në Itali dhe 2 persona në Shqipëri. Nga hetimet e kryera është bërë e mundur kapja e mbi 2 ton kokainë, 45 kg hashash, 20 kg marijuana”, thuhet në njoftimin e SPAK.Hetimet nisen në 2021, ndërsa fletë-arrestet u lëshuan pas zbërthimit të aplikacionit SKY ECC. SPAK thotë se grupi kriminal përdorte pajisje radiolokalizimi për të identifikuar vendndodhjen e ngarkesave të kokainës. Ndërkaq, nën sekuestro përfunduan sende me vlerë e para.“Gjatë kontrolleve janë gjetur dhe sekuestruar 20 000 euro, 52 ora të markave të ndryshme si psh. Rolex etj, 1 automjet tip Audi RSQ8 i viti 2020 si dhe 3 celularë dhe një pistoletë beretë me 15 fishekë” , thuhet në njoftim e SPAK.Megjithatë, operacioni po vijon edhe në Francë, Rumani dhe në vende të tjera të ndërsa për të kryer sekuestrimet GUARDIA DI FINANZA kontrolloi 18 banesa në Itali e Shqipëri. /vizionplus.tv
