Астанада «Әндіжан» деп аталатын сауда орталығы ашылмақ.

Онда Өзбекстанның брендіне айналған жеміс-жидегі мен түрлі тауары сатылады. Ферғана аңғарында жергілікті кәсіпкерлермен жүздескен елші осындай бастама көтерді. Шалғайдағы шағын және орта бизнес өкілдері тіпті қазақстандық іскер азаматтармен бірлесіп ірі өндіріс орындарын құруға да құлшынып отыр. Өйткені оңтүстіктегі көршімізге біз арқылы батыс елдері нарығына жол ашылады.

Әндіжан облысы – Өзбекстан Республикасы үшін стратегиялық маңызды өңірлердің бірі. Мұнда ең ірі өндіріс орындары шоғырланған. Химия, машина жасау, тоқыма кластері дамыған. Ауа райы ауыл шаруашылығына қолайлы. Ең негізгісі Қырғызстанмен шекарада орналасқан. Бұл инвесторлар үшін тиімді. Өйткені өңірдің экспорттық әлеуеті жоғары.

Әндіжан облысы халық саны жағынан да бірінші орында тұр. Жер көлемі аз болғанымен, кәсіпорны көп. Өзбекстанның брендіне айналған жеңіл машинасы да осында құрастырылады. Бос жатқан жері жоқ. Ақ алтыннан бастап көкөністің барлық түрі егіледі. Тіпті Әндіжан күрішінің орны бөлек. Жұрт шағын және орта кәсіпке көбірек ден қойған. Шұлықтан бастап тұрмысқа қажетті заттардың басым бөлігін өздері шығарады. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]

свернуть