थाने विनती करूँ में बारंम्बर।
जगदम्बा म्हारी अरज सुणो ।।टेर।।
बीको जी ने वचन दियो थे , गढ़ री नीव लगाय।
देशनोक में भवन सजायो , बिकाणो नगर बसाय।।1।।
शेखो जी मुलतान कैद में , घर बेटी रो ब्याव।
बणी सांवली पकड़ पंजा में , फेरा स्यु पहली पुगाय।।2।।
गंग भूप री रही मदद में , अंग्रेज़ा में जाय।
अंग्रेज़ा ने कपट रचायो, सुतेडो शेर जगाय ।।3।।
सिंह गरज कर आयो भूप पर,हाथल रोकी जाय।
गंगासिंह रो मान बढ़ायो, सिंहड़ ने दियो चीर भगाय।।4।।
गाँव थिरणो जात ब्रामण, दलु राम कथ गाय।
करणी दास पर महर करो थे, धन्य देशनोक री राय।।5।।
Ещё видео!