⠀⠀⠀⠀⠀⠀⠀⠀
© جميع الحقوق محفوظة
[ Ссылка ]
⠀⠀⠀⠀⠀⠀⠀⠀
قالت كيف الحال قلت اهلين يابنيه
قالت بغيت البنات وقلـت غلطانـه
قالت بلاشي دلع ورح نـاد بدريـه
وان كانها نايمه صـوت لسلطانـه
قلت بصراحه ترى حنـا عزوبيـه
والكل منا يابنت الناس فـي شانـه
قالت تغشمر وقلت احكـي بجديـه
انا رجل والرجل ممسوك بلسانـه
قالت ابسولف معك لو تسمح شويه
تراي قبل اتصل بك كنت طفشانـه
قلت اهرجي معي زين وصفي النيه
وانا ابسولـف عليـك بنيـه زانـه
قالت بغيت اسالك وش بعد سوريه
والهند كانك ذكي وش كثر سكانـه
قلت بصراحه ماعرف الا البجاديه
واعرف من حد مكه ليـن غيلانـه
واحب ديني واحب ارض السعوديه
محبـة ماعطاهـا الخـل لخلانـه
قالت بضحكه ليه اخلاقك تجاريـه
اصلا انا يوم ادردش معك خسرانه
وانت بدوي ماتعلمـت الرومنسيـه
كـل بـدوي حياتـه مالهـا خانـه
قلت اسمعي زين ان كنتي طبيعيـه
لكن اظنك يابنت الناس .... سكرانه
انا بدوي ماحنيت الـراس موليـه
الا لربي عزيـز الجـاه سبحانـه
انا بدوي تفتخر كل العـرب فيـه
انا بدوي يمـوت العهـد ماخانـه
حنا بدو بدو بدو ان ثـارت الهيـه
نثبت ليـا خالـط البـارود دخانـه
حنا بدو لا نكشـف ستـر السنافيـه
يفرح بنا اللي خذو ذوده بحيرانـه
حنا بدو ان كوينـا ننضـج الكيـه
يفرح بنا اللي يشوف الضيم باعيانه
حنا بدو بـدو دايـم نارنـا حيـه
نزعل ليا صك راع البيـت بيبانـه
حنا بدو لالفو مـن بعـد طرقيـه
نفرح بهم فرحه الغايـب بورعانـه
ياللي تقوليـن بـدو اقـول يابنيـه
الاصل حنا وعز البيـت سيسانـه

свернуть