Աշխատանքի և սոցիալական հարցերի նախարարությունը շարունակում է կառուցվածքային բարեփոխումները։ Բժշկասոցիալական փորձաքննության կարգը պարզեցնելուց հետո հիմա էլ թոշակի նշանակման գործընթացն է փոխվում։ Օգոստոսի 1-ից Երևանում կենսաթոշակի դիմում ներկայացնողներն այլևս չեն շփվի գործը քննող, որոշում կայացնող աշխատակիցների հետ։ Սրանով նվազում են կոռուպցիոն ռիսկերը, բարելավվում են մասնագետների աշխատանքային պայմանները։
