Այս Խաչերթը Նոյեմբերի 6-ին էր` Տվերում: Ու այն առաջնորդում է Տվերի մետրոպոլիտ Ամվորսին: Մենք սրտանց ուրախանում ենք, երբ տեսնում ենք, որ այսքան բարձրաստիճան հոգևորականներ, մետրոպոլիտ, եպիսկոպոսներ, վարդապետներ ու քահանաներ առաջնորդում են խաչերթը, որը ազգի հավատքի վկայությունն է առ Քրիստոս Հիսուս:
Ինչքան կարևոր են այսպիսի խաչերթերը ազգի հոգևոր արթնացման համար: Ինչքան կարիք կա նման խաչերթերի մեր ազգում: Ինչ լավ էր, որ Հայաստանում եղան մի քանի խաչերթեր ու երանի թէ ավելի շատ լինեն: Որպեսզի մեր ազգը արթնանա մեղքի թմբիրից ու ավելի հաճախ հիշի որ կոչված է Քրիստոսին հետևել, որ կոչված է կյանքի ետևից գնալ ու ավելի բարձրանալ: Տե՜ր Աստված, փրկիր մեր ազգը: Տե՜ր Հիսուս Քրիստոս, մեզ քաջություն շնորհիր ու օգնիր հաղթահարել մեղքը և քեզ վկայելու վախերը:
Ինչքան ուրախալի է տեսնել այսպիսի խաչերեթեր: Այս օրհասական օրերին մեզ ավելի քան անհրաժեշտ է նման միասնություն: Ես հավատում ենք, որ մեր ազգի միավորվումը միայն այսպես կարող է լինել: Մեր ազգի միավորումը միայն Քրիստոսի շուրջ կարող է լինել, միայն Հայ Առաքելական Եկեղեցում:
Էջմիածնի, Վարդենիսի, Գորիսի ու Խոր Վիրապի խաչերթերի մասնակիցները վկայում են, թէ ինչ մի անբացատրելի միասնություն կար Խաչերթերի ժամանակ: Մարդիկ առաջին անգամ զգացել էին որ ելք կա այս վիճակից, որովեհտև մարդիկ ոտքի էին ելել հանուն Տեր Հիսուս Քրիստոսի: Ու հավատացել էին, որ միայն Քրիստոսով ենք այս վիճակից հառնելու: Դարձով, ապաշխարությամբ, մեղքից հրաժարվելով, մեր Աստծո պատվիրանները սովորելով ու դրանցով ապրելով: Աստծուն սիրելով ու իրար սիրելով:
Սիրելի Քրիստոնյա եղբայրների ու քույրեր: Մեր ազգը հիմա դժվար օրեր է ապրում: Խնդրում ենք, դուք էլ խոսեք ձեր թեմակալ առաջնորդների, եպիսկոպոսների ու քահանաների հետ, որպեսզի Հայաստանի, Արցախի ու Սփյուռքի տարբեր տեղերում եկեղեցիների ուխտի օրերին թէրևս նման խաչերթեր անցկացվեն ապաշխարության խորհրդով ու հանուն Տեր Հիսուս Քրիստոսի: Մեր զինվորները հայրենիքի են պաշտպանում ու ամեն օր կրակի բերան են: Սա նշանակում է, որ մենք չենք կարող հանգիստ սպասել: Այլ մեզանից նրանք, ովքեր այժմ բանակում չեն, պետք է պահեն հոգևոր սահմանը, հսկումով, խաչերթերով, մեղքից հրաժարվելով ու բացահայտ կերպով մեր Տեր Հիսուս Քրիստոսին վկայելով: Սա էլ յուրօրինակնհոգևոր զորահավաք է, Աստծու պատվիրանները սիրելով ու իրար նկատմամբ սիրով ու հոգատարությամբ լցված: Այսպիսով, մենք Տիրոջ բարեհաճությունն ու ներողամտությունը կբերենք մեր ազգի վրա, և այսպես կամրապնդենք և՜ մեզ, և՜ մեր զինվորների թիկունքը: Հակառակ դեպքում, առանց Քրիստոսի ոչինչ անել չենք կարող:
Հիշե՜ք ժողովուրդ ջան. Սրբազա՜ն է Հայաստան երկիրը: Որովհետև այստեղ է իջել Նոյան Տապանը, այստեղ են Վարդանանք պատերազմել հանուն Տեր Հիսուս Քրիստոսի: Այստեղ ենք հավատով ու միաբանված, Աստծո օրհնությամբ հաղթել Սարդարապատում ու Շուշիում: Այստեղ են թափվել բազում սուրբ մարդկանց արյունը՝ ովքեր իրենց կյանքն են դրել հանուն Տեր Հիսուս Քրսիտոսի ու հանուն ընկերոջ: Այստեղ է իջել Աստուծո Միածին Որդին՝ ցույց տալով Էջմիածնի տաճարի տեղը, և մեր Հայ ազգն է կոչվել Քրիստոսից հատուկ առաքելության, որպեսզի Աստվածպաշտության, սիրո ու քաջության օրինակ լինի մյուս ազգերին, որպես առաջին Քրիստոնյա ազգ:

свернуть