Të paktën 155 persona janë plagosur pasi dy trena u përplasën në periferi të Barcelonës. Aksidenti ndodhi rreth orës 08:00 të mëngjesit sipas orës lokale në një stacion në rajonin verilindor të Katalonjës, në Spanjë.
Mediat lokale raportuan se trenat po udhëtonin në të njëjtin drejtim dhe u përplasën ndërkohë që njëri prej tyre ishte i parkuar në stacion. Ende është e paqartë se si ka ndodhur aksidenti. Zyrtarët e urgjencës thanë se përplasja ndodhi në një stacion rreth 12 km nga qendra e qytetit.
Ata shtuan se 150 persona ishin lënduar lehtë, ndërsa pesë të tjerë janë "në gjendje pak më të rëndë". Prej këtyre të fundit, tre janë transferuar në spital. Një zëdhënës i shërbimit rajonal të zjarrfikësve tha se treni në lëvizje ishte përplasur me pjesën e pasme të trenit tjetër që kishte ndaluar në stacion.
Disa linja trenash u ndërprenë për një kohë të shkurtër për shkak të aksidentit, tha qeveria rajonale. Duke përshkruar momentin e përplasjes, një udhëtare tha për mediat spanjolle se kishte ndjerë një goditje jashtëzakonisht të fortë dhe se njerëzit po bërtisnin. Një tjetër pasagjer tha për BBC se kishte parë njerëz të gjakosur. Ministrja spanjolle e Transportit, Raquel Sanchez, tha se është duke e monitoruar nga afër situatën dhe u uroi "shërim të shpejtë" të lënduarve.
Ka patur disa aksidente në sistemin rajonal të trenave në Katalonjë, këto vitet e fundit dhe zyrtarët fajësojnë mungesën e financimeve në hekurudha nga ana e qeverisë qendrore.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Barcelonë#Perplasja
