#oranews
Kryeministri Edi Rama tërhoqi vëmendjen policisë se nuk po bën sa duhet për të ndaluar ndërtimet pa leje sidomos në vijën bregdetare.
Tërhoqi vëmendjen për Velipojën dhe Sarandën ku ndërtimet pa leje bëhen në sy të të gjithëve dhe askush nuk mban përgjegjësi.
“Po shfrytëzohet për të goditur më të dobëtit dhe nuk godet më të fortët. Nuk e di çfarë përgjigje ka drejtori i policisë së Shkodrës, për Velipojën për të kuptuar këtë që po them.
Jo zonën brenda po rërën, bregun, çfarë vlere e morali ka ti shkohet në majë të Kallmetit për një avlli kur në rërën e Velipojës tjetri ha territore të tëra pa leje.
Nuk mundet asnjë milimetër të shfrytëzohet pa leje se nuk është Kina.
Nuk është IKMT që kap ndërtuesin pa leje, flagrancën e ka policia e shtetit, se përndryshe procesi degjeneron nga shkojnë sytë."
Rama kërkoi që të nisë tani një operacion për ndalimin e ndërtimeve pa leje në të gjithë Shqipërinë.
"Çdo komisariat ka zonën e vet. Është e pamundur që një ndërhyrje në mes të detit, në mes të qytetit të mbushet deti me gurë, dhe kjo të ndodhë pa vajtur këmbë polici pa e parë.
Të vijë puna deri tek unë e më pas pasi ndërhyj unë, të pastrohet brenda 24 orësh, kjo është e papranueshme. Dmth u bëka, por kush e mban përgjegjësinë që nuk është bërë?
Kjo nuk është indiferencë dhe as mungesë aftësie veçse korrupsion në kurriz të një dynjaje të tërë. Si u hidhkan këto gurë në për gjithë bregdetin e Shqipërisë. Nga vijnë këto gurë, nga kalojnë, si mbushet një det i tërë me gurë për të bërë mole, ndërkohë avllinë në filifistun e kap polici. Ndërkohë që duhet mund e kohë të shkosh tek ajo avllia, ndërkohë që këto bëhen spektakël para dynjasë. Kjo ndodh kur interest janë shumë të mëdha.
Jam dakord të bëhet dhe atje, por të zgjidhet këtu e pastaj të shkojmë atje. Është e shëmtuar, sëkëlldisëse që të shkojmë atje ndërkohë që jo këtu.
Të hartohet e të niset operacion nga Tropoja në Konispol, tani dhe jo në mesin e verës, pa asnjë tolerancë. Të mos shkohet tek ndërtimet që janë bërë para 20 vitesh."
Follow TV Ora dhe RTV Ora News
Subscribe To "Ora News" on YouTube Channel for NEWS HERE: [ Ссылка ]
Subscribe To "Ora News" on YouTube Channel for TV Shows HERE [ Ссылка ]
For more content from click HERE www.oranews.tv
Like Ora News on Facebook HERE [ Ссылка ]
Follow Ora News on Instagram Here [ Ссылка ]
Follow Ora News on Twitter [ Ссылка ]
