Shunday asarlar borki, ular inson qalbi va shuurining eng quyi qatlamlarigacha kirib borib uning o‘y-fikrlarini o‘zgartirib yuboradi. Asar ta’siridagi o‘quvchi endi olamga yozuvchi nigohining o‘zi ilg‘agan qirralari bilan qaray boshlaydi. Keyinchalik ham ko‘plab hayotiy vaziyatlar qarshisida ayni shu kitob falsafasiga suyanib xulosalar chiqaradi. Ana shunday inson ruhiyatiga ta’sir o‘tkazuvchi asarlar sirasida “Jinoyat va jazo" romani o‘ziga xos o‘ringa ega.
Fyodor Mixaylovich Dostoeyvskiyning “Jinoyat va jazo" romani – yozuvchi muallifligidagi jahon adabiyotining oltin fondiga kiritilgan eng mashhur asari. Bu asar muallifning hayot sinovlari davrida yozilgan bo'lib, bugungi kungacha ham dolzarb bo'lib turgan ko'plab jiddiy muammolarni hal qiladi.
Rus yozuvchisining ushbu romani 1886-yilda Rossiyada chop etilgach, uning nomi tez orada butun Yevropaga tanildi. Ko‘hna qit’ada «Jinoyat va jazo»ni mutolaa qilishni istaganlar shu qadar ko‘payib ketdiki, ba’zilar asarning tarjima qilinishini ham kutmay, rus tilini o‘rganishga bel bog‘lashdi. Bugunga kelib «Jinoyat va jazo» 100 dan ortiq tilga tarjima qilingan va qayta-qayta nashr etilgan. Hisob-kitoblarga ko‘ra, Dostoyevskiyning «Jinoyat va jazo»sini 3 milliarddan ko‘proq odam sevib mutolaa qilgan. Qizig‘i, ko‘pgina qamoqxonalarda mahbuslar yonida «Jinoyat va jazo»ni olib yurishi aniqlangan.
O‘qidi: Muslima Murodova
Tayyorladi: "San'at gulshani" ovoz yozish studiyasi
