Ծառ եմ տնկել Յասամանի,
Նրա կողքին անուշ մի Վարդ,
Հասակ առել փարվել իրար,
Ի՜նչ տեսարան, տեղովը զարդ։

կրկներգ
Ով է տեսել այսպես հրաշք,
Վարդը սիրի Յասամանին
Չե՞ք հավատում՝ եկեք մեր բակ,
Դուք կտեսնեք այդ երանին։

Նրանց սիրուց, սիրուց անմար,
Բյուր ծաղիկներ են հայտնվում,
Գարուն, ամառ իրենց բույրով
Անցորդներին հրապուրում։

կրկներգ
Ով է տեսել այդպես հրաշք,
Վարդը սիրի Յասամանին
Չե՞ք հավատում՝ եկեք մեր բակ,
Ու կտեսնենք այդ երանին։

Ձմռան ցրտին ահասարսուռ
Չեն բաժանվում իրար գրկած,
Ձնե գորգով ծածկվում են լուռ,
Ու փայփայում սերը գտած։

կրկներգ

Ծառ եմ տնկել Յասամանի,
Նրա կողքին անուշ մի Վարդ,
Հասակ առել փարվել իրար,
Ի՜նչ տեսարան, տեղովը զարդ․․․

խոսք` Ռայա Աբազյան
Երաժշտություն՝ Սրբուհի Սիմոնյան (Supo)

свернуть