Presidenti rus, Vladimir Putin, do të takohet me shefin e Kombeve të Bashkuara, Antonio Guterres, për herë të parë në më shumë se dy vjet. Takimi do të mbahet gjatë ditës, ndërsa udhëheqësi rus po përballet me thirrje nga aleatët e tij të BRICS-it që t’i japë fund luftës në Ukrainë. Takimi po ashtu zhvillohet në ditën e fundit të samitit të BRICS-it që po mbahet në qytetin rus Kazan. Moska shpreson se ky forum do ta ndihmojë që të krijojë një front të bashkuar të ekonomive në zhvillim kundër Perëndimit. BRICS u formua më 2006, si koalicion mes katër vendeve: Brazilit, Rusisë, Indisë dhe Kinës. Afrika e Jugut u bashkua më 2010, e ndjekur nga Egjipti, Irani, Etiopia dhe Emiratet e Bashkuara Arabe më 2024. Grupi synon bashkimin e vendeve më të mëdha në zhvillim. Putin dhe Guterres pritet të diskutojnë për pushtimin rus të Ukrainës dhe për krizat në Lindjen e Mesme, tha Kremlini. Guterres vazhdimisht e ka kritikuar luftën e Rusisë kundër Ukrainës, duke thënë se vendos “një precedent të rrezikshëm” për botën. Takimi i tyre i fundit ishte në javët e para pas nisjes së luftës, kur Guterres udhëtoi për në Moskë, ndërsa Rusia kishte rrethuar Mariupolin, në jug të Ukrainës. Që atëherë, Guterres është përfshirë në përpjekjet për të arritur paqe mes dy palëve dhe ka ndihmuar në arritjen e një marrëveshjeje që i lejoi Kievit të eksportonte në mënyrë të sigurt drithërat nga portet e tij më 2022. Por, që nga ajo kohë ka pasur pak kontakt të drejtpërdrejtë diplomatik mes Guterresit dhe Putinit. Ukraina ka kritikuar ashpër vendimin e shefit të OKB-së për t’u takuar me Putinin.
Pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#BRICS#Ukraina
Ещё видео!