БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Енді елімізде кез келген адам баспана кезегіне тұра алады. Яғни, ешбір санатқа кірмейтін азаматтардың да мемлекеттен тұрғын үй алуға мүмкіндігі болады. Ал, қазақстандықтарды үймен қамтамасыз ету құзырын Отбасы банк атқарады. Осылайша, баспана кезегі, пәтерлерді бөлу сияқты функциялар жергілікті әкімдіктен Отбасы банкіне өтеді. Сонымен, мұқтаж жандардың баспана кезегіне тұру талаптары мен шарттары қандай? Ұлттық даму институты болып құрылатын банкте тағы қандай өзгерістер болады? Әріптесім Диана Тұрлыбектің сюжетінен көрейік.
ДИАНА ТҰРЛЫБЕК, тілші:
- Тұрғын үй саясатын реформалау мәселелері бойынша өзгерістер мен толықтырулар енгізу туралы” заңға сәйкес, енді кәмелет жасына толған кез келген қазақстандық ешқандай санатқа кірмесе де баспана кезегіне тұра алады. Сондай-ақ, бұндай өтінімдердің барлығы онлайн түрде жүзеге асатын болады. Ал үй кезегінде тұрғандардың бірыңғай электрондық базасын жүргізу, азаматтарды есепке қою, баспана беру сияқты шешімдерді Отбасы банкі қабылдайды. Айта кетейік, үйді бөлу кезінде жетім немесе ата-анасының қамқорлығынсыз қалған балаларға, көпбалалы аналар мен көпбалалы отбасыларға және мүгедектігі бар жандарға басымдық беріледі.
ЖАНСҰЛТАН МАТАЙ, "Отбасы Банкі" ақ басқарма төрағасының орынбасары:
- Осы заңға сәйкес, ҚР азаматы, тек екі шартқа сәйкес келетін азаматы мемлекеттен бір рет тұрғын үйге кезегіне тұруға мүмкіндік алады. Яғни, оның атында соңғы 5 жылда үй болмауы керек немесе тұрып жатқан үйі апатты деп танылса. Егер бұрынғы заңға сәйкес сіз кезекке тұру үшін жаңағы мекемеге барып өзіңіздің санатыңызды растап, одан кейін тағы бір жерге барып кезекке тұру керек болса енді бұның жаңа ережеде қажеті жоқ. Тек Отбасына банкіне келіп, тіркелсе болғаны.
Сондай-ақ, жалға берілетін пәтерлерді үлестіру Отбасы банкінің құзіретіне кірді. Осылайша, банк азаматтардың табыс деңгейіне байланысты шешім шығарады.
ЖАНСҰЛТАН МАТАЙ, "Отбасы Банкі" ақ басқарма төрағасының орынбасары:
- Заңға сәйкес шешімді деректер қорынан қарап, сізге мысалы, тұрғын үй қорынан үй беріледі деп шешім қабылдаймыз. Ары қарай, келісім жасап, оны алу әкімдіктің тарапынан. Яғни, кезектің барлығы әкімдіктің тарапынан Отбасы банкіне өткеннен кейін, әкімдік тұрғын үй саясатына қатыспайды деген сөз емес. Себебі, әкімдік өз тарапынан тұрғын үйді салу, оны жалға берумен әкімдік айналысады.
Аталған өзгерістер тұп-тура 6 айдан кейін күшіне енеді. Оған дейін қазақстандықтарды есепке қоюмен жергілікті әкімдіктер айналысады. Айта кету керек, банк бұрынғы режимде қазақстандықтарға жеңілдетілген заем беруді жалғастыра береді.
------------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
