Егістік алқап биыл тағы зиянкес жәндіктен зардап шегуі мүмкін. Ауыл шаруашылығы мамандары осылай деп дабыл қаға бастады. Мамандар ұзақ уақытқа созылған жаңбырлы ауа райы бірден аптап ыстыққа ұласса, шалғын көбелегі бас көтеруі мүмкін екенін айтады. Ол уақытта алқаптарды дәрілеу секілді қарсы іс-шаралар да тиімсіз болады. Шөп талғамайтын шалғын көбелегі өткен жылы шаруаларды шаш етектен шығынға батырғаны белгілі. Сондықтан, зиянкес жәндіктің құртын улауға дәл қазір кірісу керек дейді ауыл шаруашылығы басқармасының басшылары. Егістік алқапты кеміріп жейтін көбелек бау-бақша ұжымдары үшін де зиянды. Бау-бақша ұжымдары үшін мемлекеттен тегін улау жұмыстары жүргізілмейді. Ал шаруа қожалықтарына құрттарды улайтын дәрілер 50 пайыздық жеңілдікпен беріліп жатыр. Бір айға жуық үзбей жауған жаңбыр арты аптап ыстыққа ұласса зиянкес жәндіктер улағанға да жойылмауы мүмкін.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
