Теlegramdagi Eltuz portaliga har kuni ko‘plab shikoyat maktublari kelmoqda, qisqa vaqt ichida ularga rasmiylar munosabati va natijalar ham ko‘rinmoqda. Shikoyatlarda aks etgan muammolar hal etilgani yoki aksincha shikoyatlar haqiqatga to‘g‘ri kelmasligi yuzasidan javob hatlari olayapmiz. Biz nafaqat shikoyatga ijobiy munosabat balki ularga yozilgan javob raddiyalarini ham e'lon qilamiz. Oldin aytganimizdek, maktublarning aksariyati mutasaddilar tomonidan o‘rganishga, yechimini topishga muhtoj. Ba'zan maktublarda ko‘rsatilgan da'vo va iddaolarni mustaqil manbalar orqali tekshirish imkoni yo‘q. Hullas, bugun e'tiboringizga taqdim etmoqchi bo‘lgan navbatdagi beshta maktubning dastlabkisi Namangan viloyati Kosonsoyning Navbahor mahallasi raisi saylovidagi qonunbuzarliklar haqida. Saylovchi nomzodlarning 3 nafari saylovga ikki kun qolganida o‘chirib tashlanganidan shikoyat qiladi.
