Шымкентте «Таза қала» акциясы жалғасуда. «Үлгілі аула» және «Үлгілі көше» аталымдары бойынша ұйымдастырылған шараға бүгінде іріктеу жүріп жатыр. Тұрғындарды тазалыққа тартатын бастама ұйымдастырушыларының айтуынша, биыл қатысуға ниет білдіргендердің қарасы қалың. Белсенділігі де жоғары. Мәселен, бір ғана Абай ауданынан өткен жылы осы байқауға 30 –ға жуық аула мен жиырмаға жетпейтін көшенің тұрғындары қатысса, олардың саны биыл отыз пайызға артқан.
