Vandag word die honderdste Lewensaadjie gesaai met die gebed dat dit iewers in iemand se hart sal groei en vrug dra. Retha deel hoe die Lewensaadjies ontstaan het. Meer word vertel van Revive Our Hearts Suid-Afrika se YouTube-kanaal en elkeen word aangemoedig om ook na die Bybelstudies te gaan kyk, dit te gebruik en te versprei. Tot dusver het ROH in Amerika die YouTube-kanaal befonds as deel van hulle internasionale uitreik. Hulle het egter nou aangedui dat hulp na ander behoeftes, soos bv. die druk van boekies in Suid-Afrika, gekanaliseer gaan word. Daarom neem Retha vrymoedigheid om jou hulp te vra om die YouTube-kanaal te laat voortleef. Luister gerus hoe jy kan help. Daar word ook regtig dankie gesê – dankie vir die tegniese span en vir elkeen wat geluister en aangestuur het en so deel was van die uitbreiding van God se Koninkryk. Natuurlik verdien die Here die grootste lof en dank. Dit is Hy wat die saad wat gesaai word, laat groei. Baie het daarvan getuig en dit beleef.
Lewensaadjies is 'n reeks van kort boodskappies wat deur Revive Our Hearts South Africa aangebied word. Elke Woensdag word daar ‘n saadjie gesaai wat jou kan help in jou geestelike groei
Ещё видео!