كلية الهندسة الالكترونبية بمنوف
اهلا بيكم في مبادرتنا خبرتي تشهد .
هنواصل معكم مشاركتكم لخبراتنا وكليات المرحلة الاولي.
وهنتكلم في البوست ده عن واحده من اهم الكليات اللي موجوده في مصر ومفيش ناس كتير تسمع عنها وهي كلية "الهندسة الالكترونية".
اول حاجة لازم تعرفها ان كلية الهندسة الالكترونبية هي كلية مستقلة بذاتها ومش قسم في كلية الهندسة وكمان الكلية مش موجوده غير في جامعة المنوفية وتحديا في مركز منوف، وتعتبر اول كلية في الشرق الاوسط تدرس مجال الالكترونيات.
ففي البوست ده هتعرف كل حاجة عن الكلية والاقسام والتخصصات وكل حاجة.
اولا: الدراسة في الكلية مدتها خمس سنين زي اي كلية هندسية
اول سنة اعدادي بعد كده 4 سنين تخصص ولكن هنا التخصص بيكون اخر سنتين فالدراسة بتكون كالاتي:
- اول سنة ( اعدادي ) بتدرس فيها زي كل كليات الهندسة بالاضافة لمادتين خاصين بالكلية مش بيدرسوا غير فيها وهم مادة التصميم المنطقي وهي مادة هارد وير بتدرس فيها ازاي الكمبيوتر او اي جهاز الكتروني بيفهم البيانات والاوامر اللي انت بتديهاله وتاني ماده هي لغة برمجة وهي C++ بتدرس فيها اللغة دي وبتاخد جزي كبير جدا فيها وبتكمل علية السنة اللي بعدها.
عندك السنتين اللي بعد اعداي ( سنة اولي وسنة تانية) بتدرس فيهم مواد مختلفة من ثلاث اقسام وهم:
- قسم هندسة الالكترونات الصناعية والتحكم.
-هندسة الحاسبات.
- هندسة الاتصالات.
ودل هم الثلاث اقسام اللي في الكلية اللي بتتخص فيهم من سنة ثالثة يعني اخر سنتين في الكلية وده علشان تكون كونت خلفية كاملة في سنة اولي وتانية عن الكهربا والالكترونيات بشكل عام.
ولكن فيه في الكلية ثلاث اقسام خاصة تانيه تقدر تدخلهم من اعدادي وبتدفع 10 الاف في السنة وهم:
- قسم هندسة طبية
- قسم الميكاترونكس
- قسم شبكات
طب ليه تدخل كلية الهندسة الالكترنية؟
تعتبر كلية الهندسة الالكترونبية من الكليات النادرة في مصر اللي بتدرس فيها علم الالكترونيات والهاردوير والسوفت وير مع بعض والاقسام اللي فيها مش موجوده في اي كلية تانية علشان كده اسمها "الوحيدة".
اما عن التنسيق ف الكلية لا تخضع للتوزيع الجغرافي يعني لو انت في اي محافظة ممكن تدخلها عادي جدا كل اللي عليك انك تحطها رغبه اولي في التنسيق وحقيقي الكلية جميلة ودكترتها حلوين جدا والخرجيين فيها بيبقوا مميزين جدا في سوق العمل.
وكل قسم من الاقسام اللي فاتت ليه مستقبل كويس جدا في سوق العمل وكمان خرجيين الكلية في اخر خمس سنين عددهم مش بيعدي 500 خريج فده كويس علشان سوق العمل.
ويمكن العيب الوحيد في الكلية انها ممكن تبقي بعيده عنك لانها في محافظة واحده بس وهي المنوفية لكن الكلية ليها سكن جامعي مخصص والحلو في السكن الجامعي انه جنب الكلية علي طول.
وبكده نكون غطينا كل المعلومات عن كلية الهندسة الاكلترونية لو عندك اي اسئلة سيبهالنا ف كومنت او ابعتلنا علي رسايل الصفحة علي الفيس بوك.
متنساش تدعم مبادرتنا وتعمل لايك وشير واشتراك في قناتنا.

زرونا علي صفحتنا علي الفيس بوك:
[ Ссылка ]
متنساش تعمل لايك للفيديو وكومنت باي سؤال واحنا هنجاوبك وكمان شير للفيديو علشان يوصل لاكبر عدد من الطلاب.
#خبرتي_تشهد

свернуть