Shehr E Dil Ki Galiyon Mein | Urdu Nazm By Ibn E Insha | Urdu Poetry

شہرِ دل کی گلیوں میں​

شام سے بھٹکتے ہیں​

​

چاند کے تمنائی!​

​

بے قرار سودائی​

دل گداز تاریکی​

​

روح جاں کو ڈستی یے​

روح و جاں میں بستی ہے​

شہرِ دل کی گلیوں میں​

​

تاک شب کی بیلوں پر​

شبنمیں سر شکوں کی​

بے قرار لوگوں نے​

بے شمار لوگوں نے​

یاد گار چھوڑی ہے​

اتنی بات تھوڑی ہے​

​

صد ہزار باتیں تھیں​

حیلۂ شکیبائی​

صورتوں کی زیبائی​

قامتوں کی رعنائی​

ان سیاہ راتوں میں​

ایک بھی نہ یاد آئی​

جا بجا بھٹکتے ہیں​

کس کی راہ تکتے ہیں​

​

چاند کے تمنائی​

​

یہ نگر کبھی پہلے​

اس قدر نہ ویراں تھا​

کہنے والے کہتے ہیں​

قریہ نگاراں تھا​

خیر اپنے جینے کا​

یہ بھی ایک ساماں تھا​

​

آج دل میں ویرانی​

ابر بن کے گھر آئی​

آج دل کو کیا کہیے​

با وفا نہ ہرجائی​

پھر بھی لوگ دیوانے​

آ گئے ہیں سمجھانے​

​

اپنی وحشت دل کے​

بن لیے ہیں افسانے​

خوش خیال دنیا نے​

گرمیاں تو جاتی ہیں​

وہ رتیں بھی آتیں ہیں​

جب ملول راتوں میں​

دوستوں کی باتوں میں​

جی نہ چین پائے گا​

اور اوب جائے گا​

آہٹوں سے گونجے گی​

شہرِ دل کی پہنائی​

اور چاند راتوں میں​

چاندنی کے شیدائی​

ہر بہانے نکلیں گے​

آزمانے نکلیں گے​

آرزو کی گہرائی​

ڈھونڈنے کو رسوائی​

سرد سرد راتوں کو​

زرد چاند بخشے گا​

بے حساب تنہائی​

بے حجاب تنہائی​

شہرِ دل کی گلیوں میں!​

​

( ابنِ انشاء )​


Subscribe To Our Channel For More Videos


sad poetry, sad shayari, sad ghazal, Ahmad Faraz, Ahmad Faraz Poetry, Ahmad Faraz Whatsapp Status Poetry,Jaun Elia, Jaun Elia Sad Urdu Poetry, Tehzeeb Hafi Tehzeeb Hafi Mushaira Tehzeeb Hafi Rekhta, Ali Zaryoun, Ali Zaryoun Whatsapp Status


Sad Love WhatsApp Status, New Poetry 2024, Sad Poetry Collection, 


Sad WhatsApp Status Love Sad Status Emotional WhatsApp Status Love Status Sad

#sadstatus​ #urdupoetry​ #deepurdulines​ #deeplines​ #aliwri8s​ #ishq​ #sadpoetry​ #sadwhatsappstatus​

свернуть