Shumë zona të Turqisë lindore u tronditën nga një tërmet me magnitudë 5.9 të mërkurën, megjithëse nuk ka raporte të menjëhershme për të lënduar, thanë zyrtarët. Kamerat e sigurisë tregojnë forcën e tërmetit, me epiqendrën e tij që u regjistrua në Kale të Malatias.
Lëkundjet u regjistruan në orën 10:46 në Kale në Malatya, një provincë kjo që u godit rëndë nga tërmeti i dhunshëm me magnitudë 7.8 ballë që goditi më 6 shkurt 2023, duke vrarë më shumë se 53,500 njerëz në Turqi dhe pothuajse 6,000 në Sirinë fqinje. “Për momentin, nuk ka raportime për humbje jetësh apo shkatërrim pronash pas tërmetit me magnitudë 5.9 ballë”, shkroi agjencia shtetërore e menaxhimit të fatkeqësive AFAD në platformën X. Menjëherë më pas, ministri i Brendshëm Ali Yerlikaya tha se tre ndërtesa ishin "shembur pjesërisht" në tre zona të veçanta dhe se shërbimet e urgjencës kishin marrë dhjetëra thirrje për ndihmë.
Zyrtarët lokalë në Malatya thanë gjithashtu se nuk kishte "zhvillime negative" për të raportuar në këtë fazë, megjithëse guvernatori i provincës tha se të gjitha shkollat fillore dhe të mesme do të mbylleshin gjatë ditës. Lëkundjet u ndjenë fuqishëm në disa qytete të mëdha në rajon, duke përfshirë Dijarbakirin, i cili shtrihet rreth 140 kilometra në juglindje. Tërmeti u ndje gjithashtu në provincat Hasakah, Deir al-Zor dhe Aleppo të Sirisë, tha agjencia shtetërore e lajmeve e vendit. Me të ndjerë tërmetin, banorët në disa qytete dolën menjëherë në rrugë, sipas pamjeve të transmetuara nga stacionet televizive turke.
Qendra Sizmologjike Mesdhetare Evropiane tha se tërmeti kishte një magnitudë 6.1 ballë dhe ishte në një thellësi prej 9 km nën tokë.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Termeti#Turqi
