في عبارة ذكرت ويمكن دي عبارة مفتاحية في إنجيل متي وعايزين تعريف ليها "تُوبُوا، لأَنَّهُ قَدِ اقْتَرَبَ مَلَكُوتُ السَّماوَاتِ. هذه الكلمة ماذا تمثل في انجيل متي كله؟
ملكوت السماوات 32 مرة وردت هذه الكلمة في انجيل متي ولم ترد في غير إنجيل متي في أي مكان في العهد الجديد فلم ترد إلا هنا
وفي الحقيقة نقدر نشوف أن ملكوت السماوات الغلطة الشائعة إن بيخلطوا ما بين أمرين ملكوت السماوات والسماء
ملكوت السماوات حاجة والسماء حاجة وبيخلطوا بين ملكوت السماوات والكنيسة أيضًا لأ
ملكوت السماوات حاجة و الكنيسة حاجة تانية.
أمال إيه هي ملكوت السماوات ببساطة هي دائرة حكم السماء علي الأرض. كل من يعترف بأن السماء ولما بقول السماء بقصد الآن أن المسيح موجود في السماء وهو الملك.
الذي يعترف بذلك أن المسيح مع أنه لا يُري مش موجود علي الأرض إطلاقًا لكنه موجود في السماء ومع ذلك هو الملك هذا ضمن ملكوت السماوات اللي بنتعلم من متي 13 أنها دايرة واسعة بس فيها حنطة وزوان
السما مفيهاش حنطة وزوان، السما فيها حنطة بس. فالدايرة اللي علي الأرض فيها مؤمنين حقيقيين ومجرد معترفين بالإسم وهذا الإعتراف لا قيمة له علي الإطلاق يعني دائرة الإعتراف المسيحي الآن هي ملكوت السماوات
الكنيسة داخل هذه الدائرة الكنيسة هي الحنطة
الكنيسة هي السمك الجيد
الكنيسة هي العذارا الحكيمات الكنيسة يعني خالصة بنسبة 100% مؤمنين اتقياء
لكن الدايرة دي في المؤمنين وغير المؤمنين فيها المعترفين بالاسم انهم ينتمون الي المسيح وهو في السماء عشان كدة يعني
لو أردت توسع عن ذلك أيضًا أقول أن ملكوت السماوات أوسع مكانًا و زمانًا
الكنيسة ضمن ملكوت السماوات ثم هيجي وقت وترفع الكنيسة إلي السماء ويبتدأ الكرازة ببشارة الملكوت
والذي لن ينتهي إلي بمجئ وظهور المسيح مع أن الكنيسة ستكون قد رفعت قبلها إلي السماء بحوالي سبع سنين
يعني مفيش حاجة اسمها الطريق إلي الملكوت، يعني الطريق إلي السماء
وإنك تجاهد علشان تدخل الملكوت. لا مفيش حاجة اسمها كدة أبدًا. فالسماء دي مفتوحة أمام الذين يقبلون المسيح مخلصًا والدخول إلي السماء ليس عن طريق الجهاد أو مكسب من أي شئ من الأشياء لكن عن طريق الإيمان القلبي بشخص المسيح
لكن الدايرة اللي علي الأرض هي دي الدايرة اللي اسمها ملكوت السماوات، فيها كل المعترفين بشخص المسيح حقيقيين ومعترفين اسميين


يمكنك مشاهدة الحلقة كاملة في الرابط التالي:
[ Ссылка ]
تابعنا على:
Facebook Page: [ Ссылка ]
Youtube Channel: [ Ссылка ]
Soundcloud Channel: [ Ссылка ]
Twitter: [ Ссылка ]
Website: www.kolelketab.com

свернуть