Dədə Ələsgər Ocağı İctimai Birliyi təqdim edir
#aşıq #ələsgər

Bakıda özbəkistanlı və azərbaycanlı elm adamlarının görüşü keçirilib

Bakı, 22 noyabr, AZƏRTAC

“Dədə Ələsgər Ocağı” İctimai Birliyinin (İB) təşkilatçılığı ilə özbəkistanlı və azərbaycanlı elm adamlarının görüşü keçirilib.

AZƏRTAC xəbər verir ki, İB-nin sədri Xətai Ələsgərli qonaqları salamlayaraq, Aşıq Ələsgər yaradıcılığının əhəmiyyətindən, türk dünyasında Ələsgər sənətinə və onun inkişafına göstərilən diqqətdən, daha geniş tanıdılmasının vacibliyindən söhbət açıb. Bildirib ki, uşaq yaşlarından fitri istedadı, iti yaddaşı, yüksək şəxsi keyfiyyətləri ilə hamının rəğbətini və məhəbbətini qazanan Ələsgər yorulmaz fəaliyyəti ilə saz dünyasının yeni sirlərini açmağa nail olub.

“Dədə Ələsgər Ocağı” İctimai Birliyi tədbirdə iştirak edən özbəkistanlı elm adamlarını fəxri diplomlarla təltif edərək, ələsgərşünas Fəxrəddin Salimin "Dədə Qorquddan, Dədə Ələsgərə", ilahiyyatçı, qazi Hacı Həsən Hüseyninin "Əhli-beyt aşiqi Dədə Ələsgər" kitablarını qonaqlara hədiyyə edib.

Tədbirdə “Dədə Ələsgər Ocağı” İctimai Birliyinin üzvləri Əməkdar mədəniyyət işçisi, Azərbaycan Aşıqlar Birliyi Göyçə saz folklor qrupunun rəhbəri aşıq Bəhmən Göyçəli, aşıq Təbriz Vəliyev, aşıq Ramin Qarayev, aşıq Gözəl Kəlbəcərlinin çıxışları maraqla qarşılanıb.

свернуть