ئاوازی جیهانی، هۆنراوەی سەرکاو

داری جەنگەڵ ناگا بە باڵاکەی تۆ
چاوی مانگا چییە، چاو ژێرپیاڵەی تۆ
پیاوی دارستانم، بمدەرێ پاچێ
ئەو دارانە ببڕم، بۆ ناو زۆپای تۆ

وەک ئایسکرێم و مۆتا، دوا گازی چلوورە
وا لەدەم کەوتە خوار، لەداخا تووڕە
ئاخر چلوورە بۆیە وا خۆشە خواردنی
دوا گازی لێبگری، دووکانیش دوورە


تەون و تۆڕم بۆ مەچنە، جاڵجاڵۆکەی جوان
هەر بەو دەستە بمگرە، وەک ورچێکی نیان
ماسی ناو ڕووبارم، نەک مێشی هەیوان
چاوشارکێم لەگەڵکە، ئامان سەد ئامان

سێ کیشوەرم گۆڕی، ناگەم بە دڵت
چەند سۆراخم پرسی، لە چاوی کاڵت
وتیان شووی تری کرد، هاوار بە ماڵت
دەرچۆ مێردەکەی وا گەییە سیپاڵت

ئێستا من بە تەنیا، بزن دەژمێرم
کە لە بزن تەواو بووم، پەیام دەنێرم
مەڕم بۆ بنێرن، تا بیانژمێرم
بەشکوم شەو تەواو بێ، بە ئێشکگرتن نەمرم

خوایە تۆ چەند کوێری، هەر من نابینی
خۆ زەنگیانەی حیز نیم، یا مزمەعیلی
هانام بۆ تۆ هانی، تاکو بمدوێنی
کەچی خۆت لێم لادا، وەکو ماشێنی

свернуть