ལ་གླུ་ཡི་ཕ་ཡུལ།༽ཞེས་པའི་གླུ་དབྱངས་འདི་ནི་དེང་རབས་ཀྱི་ཚིག་རྩོམ་མཁན་ཤུང་ཀྲེན་གྲུང་དང་དབྱངས་རྩོམ་མཁན་དགེ་རྒན་ཨ་ཅུན།གངས་རིའི་བུ་མོ་ཚེ་དབང་ལྷ་མོ་གསུམ་གྱིས་མཉམ་བསྐྲུན་བྱས་ནས་བྲག་འགོ་ལ་ཕུལ་བའི་ལེགས་སྐྱེས་ཤིག་ཡིན། བྲག་འགོ་ནི་སི་ཁྲོན་དཀར་མཛེས་ཀྱི་དཀྱིལ་བྱང་དུ་ཡོད་པ་དང་ཀྲུང་གོའི་ལྷོ་ཕྱོགས་བོད་རིགས་ཀྱི་ལ་གླུ་ཡི་ཕ་ཡུལ་ཞེས་མཚན་སྙན་གསོལ་ཡོད་པ་རེད། ས་འདི་ན་ལ་གླུ་ཡིས་གནམ་ས་གཉིས་ཡུག་གཅིག་ཏུ་སྦྲེལ་ཞིང་། སྙན་མོ་གླུ་ཡིས་རླབས་ཆེན་གྱི་ངལ་རྩོལ་མི་དམངས་ལ་བསྟོད་པ་དང་མི་དང་རང་བྱུང་ཁམས་ཆེན་མོའི་བར་གྱི་བརྩེ་དུངས།ཕ་མ་ཡི་བཀའ་དྲིན་སོགས་མཚོན་ཡོད་ལ།ད་དུང་རི་ཆེན་དང་མཚོ་ཆེན་དག་ལ་གཅེས་པའི་ཡར་སེམས་ཀྱང་མཚོན་པས་བྲག་འགོའི་ལ་གླུ་ནི་མཐོ་སྒང་དུ་བཞད་པའི་བཀྲག་མདངས་འཚེར་བའི་ཡིད་འོང་གི་རི་སྐྱེས་མེ་ཏོག་ཅིག་གོ
