#oranews #ilirmeta #saliberisha

Unifikimi për zgjedhjet vendore duket se ka qenë dhe arsyeja që në selinë blu të mbërrinte paraditen e kësaj të marte kreu i Partisë së Lirisë, Ilir Meta.

Meta për më shumë se 30 minuta zhvilloi një takim me kryedemokratin Sali Berisha.

Pak orë më vonë, nga foltorja e PL-së Meta do të zbardhte bisedën e zhvilluar me aleatin e tij.

Ai theksoi se PL do të luftojë që të dalë forcë e parë në të gjithë Këshillat Bashkiakë të Shqipërisë, ndërsa shtoi se është e rëndësishme që opozita të dalë me kandidatë të përbashkët në zgjedhje.

Ilir Meta: Ne luftojmë të dalim forcë e parë në të gjitha këshillat bashkiakë të Shqipërisë, në radhë të parë në Tiranë. Është e drejtë e çdo force politike të arrijë maksimumin e saj. Këshilli Bashkiak i Tiranës do të jetë shumë herë më i rëndësishëm se ai Parlament që akoma i ka ca kërpërata. E dytë në kushtet e ballafaqimit me një regjim mafioz e rëndësishme që opozita të ketë një kandidat në çdo bashki.

Bashkëpunimi me Partinë Demokratike për këto zgjedhje lokale, u shpreh Meta, do të jetë i hapur, pasi aksioni opozitar sipas tij, është me interes kombëtar.

KETU LAJMET MINUTE PAS MINUTE

Ilir Meta: Partia e Lirisë ka qenë e hapur për të bashkëpunuar me çdo komponent opozitar e veçanërisht me PD. PL është e gatshme në çdo moment të fuqizojë aksionin opozitar. Jo si ish-kryetari që e përdorte bashkëpunimin opozitar për interesat e veta, apo për t’i bërë shantazh qeverisë. Përballjen e kemi me Edi Ramën dhe dëshiron t’i bashkojë forcat e saj në mënyrën më të hapur dhe konstruktive…Çdo vonesë i jep kohë Edi Ramës që të vjedhë i qetë.

Një ditë para protestës së radhës së pedagogëve, Ilir Meta i bëri thirrje qeverisë që të reflektojë sa i përket kërkesës së tyre për rritjen e rrogave për ta.

Nuk ka munguar as një reagim nga ana e Berishës pas takimit me Metën.

Kreu i PD Berisha thotë se në takim u ra dakord për bashkëpunimin mes dy partive.

Sali Berisha: Në këtë takim morën pjesë Sekretari i Përgjithshëm i Partisë Demokratike zoti Flamur Noka dhe deputeti i Partisë së Lirisë, Petrit Vasili. Në takim u diskutua dhe u ra plotësisht dakord për bashkëpunimin, bashkërendimin dhe Aleancën e Partisë Demokratike me Partinë e Lirisë në zgjedhjet vendore, inisiativat parlamentare, në protestat popullore kundër pushtetit të Edi Ramës. Takimi u karakterizua nga fryma e mirëkuptimit të plotë.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть