ئەمڕۆ هەڤال لاهور شێخ جەنگی هاوسەرۆكی یەكێتی نیشتیمانی كوردستان لە بەغداد کە بە سەرۆكایەتی وەفدێكی باڵای یەكێتی كە لەژمارەیەك ئەندامی مەكتەبی سیاسی و سەرکردایەتی و پەرلەمانتاری یەكێتی پێكهاتبوون، لەگەڵ عەمار حەكیم سەرۆكی رەوتی حیكمەی نیشتیمانی كۆبوونەوە و پەیوەندییەكانی نێوان هەردوولا و دواین پێشهات و گۆڕانكارییەكانی عێراق و ناوچەكەیان تاووتوێكرد و جەخت كرایەوە لەسەر چارەسەركردنی سەرجەم كێشەكان بە گفتوگۆ و دانوستان.
هەر لەو كۆبوونەوەیەدا پشتیوانی خۆمان بۆ حكومەتێكی چالاك و خزمەتگوزار دووپاتكردەوە كە بتوانێت سەروەری عێراق بپارێزێت و رۆڵ و پێگەشی لەناوچەكە و جیهاندا بەهێز بكاتەوە و داواكاری هاوڵاتیان و خۆپیشاندەران جێبەجێ‌ بكات و مافی پێكهاتە و كەمینە ئاینی و نەتەوەییەكانیش دابین بكات بەتایبەت مافی گەلی کورد لە چوارچێوەی دەستووری عێراق دابینکردنی شایستە داراییەکان.

свернуть