Еліміздің Ақпарат және коммуникациялар министрі Дәурен Абаев Батыс Қазақстан облысында болып, ерен еңбегімен ел дамуына сүбелі үлес қосып жүрген бірқатар азаматқа мемлекеттік марапаттар тапсырды.

«Талай тарлан тұлғалар дүниеге келген, елдіктің туын биік ұстаған өңірде тарихи сәтте жүздескеніме қуаныштымын», – деді министр. Орал өңіріндегі оң өзгерістерді атап өтті.

25 жылда Батыс Қазақстан облысында білім саласына бөлінген қаражат 72 есе ұлғайып, 60 мектеп, 400-ге жуық шағын орталық ашылса, денсаулық сақтау саласы мен өндірісте 102 жоба жүзеге асқан.

Дәурен Абаев, ҚР Ақпарат және коммуникациялар министрі

-25 жыл бұрын Кеңес одағы тарағанда елімізге әбден тозған телекоммуникациялық желі мұраға қалған болатын. Содан бері 12 500 шақырым оптикалық-талшықты магистраль тартылып, телекоммуникациялық желіміз толық цифрлық жүйеге көшті. 1997 жылы елімізде небары 11 мың ұялы байланыс абоненті болса, қазір 30 миллионнан асты. Халық саны 10 мыңнан асатын барлық ірі елді мекен қазір 3G және 4G интернетке қосылған. Осының барлығы – қастерлі Тәуелсіздігіміздің арқасы, Елбасы саясатының нақты нәтижесі.

свернуть