Սեւանի Նորիկ Դագարյանի անվան մանկապատենական մարզադպրոցը հաջողություններով ամփոփեց 2016-ը: Տարվա լավագույն մարզիկների եւ մարզիչների պարգեւատրման արարողությունը մեկնարկեց ՀՀ օրհներգով եւ Սեւան ժողովրդական համույթի պարային կատարմամբ:
Սեւանի Նորիկ Դագարյանի անվան մարզադպրոցը՝ հավատարիմ մնալով իր ավանդույթներին, մարզական տարբեր հաջողություններ է գրանցել նաեւ 2016-ին՝ գրեթե բոլոր մարզաձեւերում ունենալով նվաճումներ: Մարզադպրոցի տնօրենը գոհացուցիչ է համարում 2016 մարզական տարվա արդյունքները: Սեւան համայնքի ղեկավար Սարգիս Մուրադյանի շնորհակալագրերին եւ հուշանվերներին արժանացան 10 լավագույն մարզիկները:
