23 маусым – мемлекеттік қызметшілер күні. Атаулы мереке қарсаңында өңірде түрлі шаралар ұйымдастырылып, өз деңгейінде аталып өтуде.
Қазіргі таңда Қызылорда облысында 357 мемлекеттік органда 3 471 мемлекеттік қызметші аймақ дамуына қызмет етуде. Олардың 94% жоғары білімді, 496-сы жастар болса, 1 588-і әйелдер. Басшы лауазымдағы әйелдер саны - 365. Мемлекеттік қызметшілер кәсіби мерекелері қарсаңында түрлі спорттық ойындар және жарыстар ұйымдастырылып, облыстық деңгейде турнирлер өткізілді. Бүгін де жеңімпаздар марапатталып, әлі де мерекелік шаралар жалғасуда. Сондай-ақ, биыл білікті кадрлар дайындау мақсатында құрылған «Абырой» мемлекеттік қызмет мектебінің алғашқы 25 түлегі қанат қақты. Департамент Қорқыт ата атындағы Қызылорда университеті және Мемлекеттік басқару академиясының облыстық филиалы бірлесіп аталмыш мектепті табысты аяқтаған тыңдаушыларға арнайы сертификат табыстады. Сонымен бірге, осы жылы аймақта алғаш рет «Мемлекеттік қызметтің дамуына қосқан үлесі үшін» төсбелгісінің ережесі мен үлгісі бекітіліп, мерекемен құттықтау шарасында табыс етіледі.
СНХ: ЖАСҰЛАН ШЫНТАСОВ, ҚР МЕМЛЕКЕТТІК ҚЫЗМЕТ ІСТЕРІ АГЕНТТІГІНІҢ ҚЫЗЫЛОРДА ОБЛЫСЫ БОЙЫНША ДЕПАРТАМЕНТІНІҢ БАСҚАРМА БАСШЫСЫ

свернуть