«Համեմատած աշխարհի կանանց հետ՝ մեր կանայք ավելի լավ տեղում են, մեր երկրում այնքան շատ չեն բախվում մի շարք խնդիրների հետ, որքան, օրինակ, ԱՄՆ-ում կամ Եվրոպայում: Կարծում եմ՝ իրավահավասարությունը շատ վտանգավոր է. մենք պայքարում ենք ինչ-որ բանի համար, որը ինչ-որ պահի սկսում է աշխատել մեր դեմ: Այնուամենայնիվ, հայ կանայք նույնպես բախվում են բազմազան խնդիրների… Բայց արդեն կարելի է արձանագրել, որ ինքն իրեն գնահատելու ցանկությունը կանաց մոտ գնալով շատանում է, ինչն ուրախալի է: Եվ հիմա երբեմն պետք է չի լինում կանաց ականջին շշնջալ, իրենք են գալիս այս համոզման՝ ես պետք է գնահատեմ և հարգեմ ինքս ինձ»,- «Առաջին լրատվական»- ի հետ զրույցում այս մասին ասաց հաղորդավարուհի Հրաչուհի Ութմազյանը:

Անդրադառնալով դիտրակմանը, որ ըստ վիճակագրության՝ Հայաստանում կանայք ենթարկվում են բռնության և բռնությունների թիվը մեծացել է, Հրաչուհի Ութմազյանը նշեց, որ մեր հասարակության մեջ ընդունված է, որ եթե ամուսինն է, կարող է և խփել կնոջը, և սրանից է բխում կարևոր և գլոբալ սխալը. «Խնդիրն այն է, որ կանայք այդ մասին հաճախ լռում են, չեն բարձրաձայնում անգամ իրենց բարեկամների ու ծնողների մոտ, քանի որ նրան սաստում են՝ ամոթ է, հարևաններն ինչ կմտածեն»:

свернуть