Sərt karantin rejiminin tətbiq olunduğu Ağstafa rayonunda yeni növ koronavirus infeksiyasının daha da geniş yayılmasının qarşısının alınması istiqamətində tədbirlər davam etdirilir.

APA TV-nin yerli bürosunun xəbərinə görə, Ağstafa Rayon İcra Hakimiyyətinin başçısı və Rayon Polis Şöbəsinin rəisi, polis polkovnik-leytenantı Vüqar Xəlilov rayon mərkəzində və kəndlərdə əhalinin gündəlik istifadə etdiyi sosial obyektlərə baxış keçirib, sahibkarlarla profilaktiki söhbətlər aparıblar.
Rayonda fəaliyyət göstərən iri market və mağazalarda da olan rayon rəsmləri qeyd olunan məkanlarda karantin rejiminin tələblərinə necə əməl olunması ilə yerindəcə tanış olublar:

DİN-in mətbuat xidmətinin əməkdaşı Eşqin Qasımov deyir ki, tədbirlər bundan sonra da davam edəcək: “Bundan başqa idarə poçt və digər təşkilatların qarşısında da tibbi maskadan istifadə və sosial məsafənin gözlənilməsinə nəzarət olunur. Bu tip tədbirlər bundan sonrada davam etdiriləcək. Vətəndaşlardan xahiş olunur həm özlərinin həmdə yaxınlarının sağlamlıqlarını təhlükəyə atmasınlar. Zəruri tədbirləri hamı bir nəfər kimi yerinə yetirsin”.

Qeyd edək ki, Ağstafa rayonunda sərt karantin rejimi tətbiq olunduğundan rayonda giriş-çıxış postları qurulub. Həftə sonları isə ictimai nəqliyyatın hərəkəti tam dayandırılır.


Rəsmi facebook səhifəmiz: [ Ссылка ]
Rəsmi instagram səhifəmiz: [ Ссылка ]
Rəsmi twitter səhifəmiz: [ Ссылка ]


#apatv #apaxeber

свернуть