1. Қыздарға әсемдік жарасады,
Ай көркі биіктетер аласаны.
Болмаса сұлу қыз ару әйел,
Табысып ер кімдермен, санасады.
Қ-сы:
Өрімтал, көркем сұлу мүсін,
Көргенде қайран қап, күйеуін шын.
Мың ақын жырласа,тіл жетпейді,
Бұл қыздар жаралған тек, сүю үшін.
Бұл қыздар жаралған тек, сүю үшін.
2. Қана алмас құмарың, қарасаң да,
Сұлуға ынтық сұңғақ, аласаң да.
Жердегі аруға жетер емес,
Аспанның мың жұлдызын, баласаң да.
Қ-сы:
Жүздірер жүректі нұрлы үмітте,
Басыңа қоятын мұңды үйіп те.
Арман мен қиялдан жаратылған.
Қыз ару қалар мәңгі, сол биікте.
3. Шалқытып шаңырағын тамашаның,
Бақытын от басының, жар ашады.
Тірліктің түп мәні ұрпақ деген,
Аруға ана болу жарасады.
Қ-сы:
Көктегі ай күндей дара тұлға,
Қыз десе дүние дала тұнған.
Қазақтың намысы, ару қыздар,
Мәңгі өлмес арман жырдан,
Мәңгі өлмес арман жырдан
жаратылған.
Көктегі ай күндей дара тұлға,
Қыз десе дүние дала тұнған.
Қазақтың намысы,ару қыздар,
Мәңгі өлмес арман жырдан,
Мәңгі өлмес арман жырдан
жаратылған.
Бұл қыздар жаралған тек,
Бұл қыздар жаралған тек сүю үшін
