Müqəddəs Ramazan ayı başa çatır. Səbr, dözüm nümayiş etdirərək oruc tutan müsəlmanlar bu münasibətlə bayram namazı qılıb, fitr zəkatını çıxaracaqlar. Namaz birlikdə qılınsa da fitr Ramazan ayının son gecəsi şam azanına qədər hər evdə fərdi qayadada ailənin imkanına uyğun çıxarılır. Bəs fikr zəkatının miqdarı nə qədərdi və kimlərə verilsə daha yaxşı olar? Kimlərə verilən fitr zəkatı qəbul olunmuş sayılmır.
Fitr zəkatı bir ay oruc tutan insanın növbəti ramazana qədər Allah yanında sağlamlığının təminatı sayılır və malın deyil məhz şəxsin cisminin zəkatı hesab edilir. Şam azanına qədər hər bir həddi buluğa çatan və imkanı olan şəxs üçün vacib hesab edilir. Fitr zəkatı əsasən insanın il boyu daha çox istifadə etdiyi ərzaq məhsullarından 3 kiloqram və ya onun pul qarşılığı ilə çıxarılır. Buraya əsasən arpa, buğda, xurma, düyü, kişmiş daxildir.
İlahiyyatçı Vidadi Qurbanzadə: “Əgər bir insanın maddi durumu yaxşı deyilsə o buğda və ya arpanın 3 kiloqramı dəyərinə kasıba zəkat verməlidir. Yaxşı imkanı olanlar isə xurmanın 3 kiloqramı dəyərində zəkat verə bilərlər.”
Fitr zəkatını çıxarmaq qədər onun kimə verilməsi də mühümdür. Elə hallar varki, islamda həmin şəxslərə fitrə zəkatının verilməsi qəbul olunmur.
İlahiyyatçı Hikmət Fərəcli: “İnsan fitrə verərkən baxmalıdır ki, həqiqətən o zəkatı ehtiyacı olana versin. Əgər bilsə ki, fitrəni verdiyi adam o pulla harama tərəf gedib onda o təzədən fitrə zəkatı çıxarmalıdır.”
Xərclərini qarşılaya bilməyən və ailəsini dolandırmaq üçün yetərli qazancı olmayan şəxsin fitrə verməsi vacib deyil. Ümumiyyətlə isə fitrə zəkatının çıxarılmasında məqsəd Ramazan ayında olduğu kimi yenə varlı ilə kasıbın həmrəyliyidir. Sevinən müsəlman zəkat verməklə kasıb bir ailəni də bu günlərdə sevindirmiş olur.
