Несие мәселесімен біздің арнаға хабарласқан төрт баланың әкесі Мейірбек Аралбаев баспаналы болды. Бұл азамат «Сөздің шыны керек» бағдарламасына карантинге байланысты жұмыссыз қалып, науқас әйелінің емі үшін алған несиесі мен өзінің банктегі борышын өтей алмай жүргенін айтып, шағымданған еді. Біздің арнаның араласуымен сөйлеу, есту қабылетінен айырылған азаматтың банк алдындағы несиесі тұтас кешірілді. Енді төрт балалы әкеге «Харекет» қайырымдылық қоры бес бөлмелі үй сыйлады. Жалғызбасты әкеге жаңа үйдің кілтін әнші Ғаділбек Жанай табыстады.
