#بریکاری #وەزارەتی #پێشمەرگە پێشوازی لەبەرپرسی تیمی راوێژکارانی #هاوپەیمانان لە#هەرێم کرد
راگەیاندنی وەزارەتی پێشمەرگە
رروداوەکانی ئەم دواییەی سەر هەرێمی کوردستان وکاریگەریان لەسەر ئاسایش وئارامی هەرێمی کوردستان ناووچەکە، دروست کردنی دوو فرقە بۆ هێزی پێشمەرگە تەوەری سەرەکی نێوان بریکاری وەزارەت و شاندی سەربازی هاوپەیمانان بوو.
ئەمرۆ ٤ی ئۆکتۆبەری ٢٠٢٢ سەربەست لەزگین بریکاری وەزارەتی پێشمەرگە لەدیوانی وەزارەت پێشوازی لە کۆڵۆنێڵ سۆریا بەرپرسی تیمی راوێژکارانی هێزەکانی هاوپەیمانان لە هەرێمی کوردستان کرد.
لەدیدارێکدا تاوتوێی رووداوەکانی ئەم دواییەی سەر هەرێمی کوردستان و کاریگەریان لەسەر ئارامی ناوچەکەو عیراق کرد، هاوکات باس لە بارودۆخی عیراق و مەترسیەکانی سەر ئاسایشی هەرێمی کوردستان کرا،
هەر لەو دیدارەدا باس لە یاداشتی لێکتێگەیشتن لە نێوان وەزارەتی پێشمەرگە و وەزارەتی بەرگری ئەمریکا کرا، بەتایبەت ئەو بابەتانەی کە پەیوەندییان بە بواری چاکسازی و یەکگرتنەوەی هێزی پێشمەرگە هەیە وەک ناوەرۆکی رێکەوتنەکە، لەم روەوە بریکاری وەزارەتی پێشمەرگە ئاماژەی بەوەدا کە یەکگرتنەوەی هێزەکان وەک پرۆسە بۆ سەر وەزارەتی پێشمەرگە بەردەوامە و خۆشبەختانە تەواوی ئەو کێشانە لەرووی میزانیەوە چارەسەر کراون بۆ ئەو هێزانەی کە تا ئێستا هاتونەتە ژێر چەتری وەزارەتی پێشمەرگە،
هاوکات بریکاری وەزارەتی پێشمەرگە ئاماژەی بە رەزامەندی ئەنجومەنی وەزیران دا بۆ دروستکردنی دوو فرقەکە بۆ هێزەکانی پێشمەرگە و ووتی هەنگاوەکان لەرووی کرداریەوە دەستیپێکردوە بۆ هەڵبژاردنی ئەفسەرەکان بۆ فرقەکان و پاشانیش مەشق راهێنان کردنیان،
هەرلەو دیدارەدا گرنگی قاعدەی اسنادی دهۆک و سلێمانی باسکرا بۆ پاڵپشتی پشتگیری کردنی ئەو هێزانە لە رووی ئیدامە و لۆجستیەوە،
لە کۆتاییدا هەدوولا بە گەشبینییەوە لە پێشکەوتنەکانیان ڕووانی تاکیدیان لە پلانێکی نوێ کردەوە بۆ ساڵی ئایندە بۆ زیاتر خێرا کردن و بەردەوامی چاکسازییە سەربازیەکان.
