Subscribe në Ora News këtu [ Ссылка ]
Kanë kaluar 4 vjet dhe familjarët e 4 të vrarëve në demonstratën e 21 janarit 2011 para godinës së kryeministrisë,atëherë e drejtuar nga Sali Berisha, ndihen të dëshpëruar.
Familjarët kanë zhvilluar sot homazhe në nder të tyre. Ata kanë vendosur kurora me lule në Bulevardin “Dëshmorët e Kombit”, aty ku humbën jetën 4 qytetarë të pafajshëm.
Xhaxhai i Aleks Nikës, Mark Nika tha për mikrofonin e Ora Neës se kjo është një ngjarje e rëndë, ndërsa fajësoi ish-kryeministrin Berisha dhe Lulzim Bashën, në atë kohë Ministër i Brendshëm.
“Kjo është një ngjarje shumë e rëndë për ne edhe për opinionin, pasi Berisha dhe Lulzim Basha dhanë urdhër që të ekzekutojnë njerëz të pafajshëm. Ai u vra si socialist, bashkë me shokët e tijq ë u vranë në bulevardin e Tiranës.
Kanë kaluar 4 vjet dhe drejtësia nuk po funksionon. Ne mendojmë se është ndikimi i politikës ajo që e frenon hetimin e çështjes. Sa kohë në drejtësi të jenë njerëzit që janë emëruar nga mazhoranca e kaluar, nga Berisha që është edhe autori i masakrës drejtësia nuk do të rivendoset. Pa një drejtësi për 21 janarin nuk do të ketë drejtësi për Shqipërinë në të ardhmen.
Rama ka bërë edhe një premtim publik, dhe ka një mandate prej 1 milion njerëzish dhe në të ardhem do të gjejë besoj rrugët ligore për ti krijuar drejtësisë mënyrën për ta zbardhur çështjen dhe për të çuar para drejtësisë fajtorët.”
Për më shumë klikoni në [ Ссылка ]
